كبر مشروعك و خلي جوجمة الحسابات علينا

الفاتورات

في دقيقة تنجم تصنع كل المستندات إلي تساعدك حسب مجال خدمتك

Commande / Devis / Bon de livraison / Bon de sortie / Facture / Facture d’avoir / Retenu à la source

تبع خلاصاتك

في كليك واحد، تنجم تعرف بكل دقة المعلومات إلي تخص خلاصاتك الكل

● تنجم تعرف كل فاتورة إذا خلصت ولا مازالت وإذا خلص منها جزء زادة

● تنجم تحط حد أقصى للكريدي مع كل حريف. وفي كليك تبعثلو رسالة على تاليفونو بش تذكروا إذا فات موعد الخلاص

عمليات آلية

طول ما انتي تخرج في فاتورات البيوع والشراء بسويفر. الستوك متاعك ديمة صحيح و يصيرلو تحيين بطريقة الية بعد كل عملية

وفي أي وقت تنجم تقارن ما بين شنوا عندك نظرياً في سويفر وشنوا عندك فالستوك فعلياً وتقوم بالتغييرات اللازمة 

عدي كوموند في الوقت المناسب

خاصية الإنذارات تربحك برشة وقت ومجهود وتخمام. ما عليك كان تحط حد أدنى للكمية لكل منتوج، وسويفر يعلمك كيف المنتوج متاعك قريب يوفى. وهكاكة تضمن إنو كل شي ديمة متوفر وتعدي كوموند في الوقت المناسب

حساب بنكي إفتراضي

● حساب سويفر مش مربوط بالبنك. لكن تنجم تصنع حساب بنكي إفتراضي في سويفر بش تلقى فيه كل معاملتك البنكية

(Virement, alimentation de caisse, remise en banque….)

تبع شيكاتك وشيكات حرفائك

هو صحيح قانونياً الشيك كيف الفلوس لكن ما يخفى على حد إنو كل الناس تستعمل فيه كيف الكمبيالة. هذا علاش في سويفر تنجم إتبع شيكاتك وشيكات حرفائك حسب اليوم المتفق عليه

لوحة القيادة

نجاح مشروعك هو نتيجة القراراتك وقرارات فريق العمل متاعك. وهذا يخلي لوحة القيادة متع مشروعك من أهم الحاجات إلي بش تلقاهم في سويفر

أحسن حريف، أكثر واحد تحب من عندو فلوس،أكثر منتوج خارج، شيكاتك إلي بش يتصبو الجمعة هاذي… كل ما تستحق بش تاخذ القرار المناسب فالوقت المناسب

حمل الجماعة ريش

من أهم خاصيات سويفر هي إنو يمكنك بش تقسم الخدمة على كل المعنيين بالأمر في الفريق متاعك بكل سهولة، و يخليك بالطبيعة تتحكم في المعلومات إلي ينجم يشوفها كل واحد والعمليات إلي ينجم يقوم بها