صحيح سويفر يخدم كان ما يكون عندك أنترنت وهذا واحد من المميزات متاعو باش تنجم تبع خدمتك من أي بلاصة وفي أي وقت, الحاجة الباهية أنو سويفر ما يستحقش إنترنت قوية هذاكا علاش تنجم تستعملو حتي بأنترنت كان قصت عليك الأنترنت أو حتى من تالفونك.
كل معلومة صغيرة ولا كبيرة تحطها في سويفر هية معلومة مشفرة وصعيب ياسر اي شخص يطلع عليها بما فيهم فريق الدعم عنا وهذا خاطر تصميم سويفر في الاساس تخدم بطريقة مطورة يخليك انت الوحيد الي تدخل لحسابك من خلال كلمة السرة الخاصة الي انت تختارها
من أهم أسباب نجاح سويفر هو فريق الدعم والتدريب الي موجود علي ذمتك من أول نهار وتنجم تتحصل عليه عن طريق الاتصال المباشر بالرقم 36018000 أو انك تبعث إيميل علي contact@swiver.net والفريق هذا يقدم دعم مجاني علي طول مدة إشتراكك في خدمة سويفر
سويفر يستعملو فيه أكثر من 14000 مستخدم في اكثر من 200 قطاع مختلف وقبل ما قبل ما تشريه يتصل بيك شكون من فريق سويفر ويتأكد من تطابق الخدمات الي يقدمها سويفر مع إحتياجاتك وبعدها تنجم تبدا تستعمل وإنتي مطمان
عندك الحق في تسعين يوم من تاريخ الشراء خلال التسعين يوم هذوما إذا قررت أنك تلغي اشتراكك ما عليك كان تتواصل معانا ونرجعولك فلوسك من غير ما ينقص منها حتي مليم بشرط أنك ما تفوتش 90 يوم من تاريخ الإشتراك متاعك في سويفر.
بياناتك هي ملك ليك إنتي وحدك وهذاكا علاش ومن غير تدخل حتى شخص تنجم تستخرج كل قوائم الحرفاء والمزودين والمنتجات والفاتورات والتقارير الخاصة بيك في أي وقت ومن أي بلاصة رغم أنو أغلب الشركات تمنعك تستخرج بياناتك وهذا ماهوش من أخلاقيات المهنة.
هذاكا علاش شركة سويفر تحط على ذمتك حساب مجاني مدى الحياة لكل شخص مزال كيف بدا وباش تعرف أكثر على الحساب المجاني هذا والفرق بينو وبين الحسابات الأخرى تنجم تدخل على الرابط هذا
الإشتراك السنوي في الحقيقة هو رسوم الخدمات والدعم والصيانة وحفظ البيانات في خوادم الشركة الي نوفروهولك على عام كامل وغير هذا كل التحديثات والاصلاحات الي تصير على مدار العام تتمتع بيها دون أي رسوم إضافية وهذا يربحك بارشة فلوس ووقت
